نفسى ارجع طفل صغير
ياما نفسى ارجع طفل صغير
ويا النسمه يطير ويحير
كل الناس تبص علية
وتقلق لما فى يوم يتاخر
يضْحك كل الناس حوالية
بحركه ظريفة تبص علية
احلامه يرسمها خطوط بومبية
وتخرج ع الورقه ميت افية
تلاقى فية كل الفرحة
تقولو جميل تطلع رسام
فرحه قلبة تبان على وشة
ويضحك ضحكة تحدد شكلة
ياما نفسى ارجع طفل صغير
ارسم بيتى صغير هرمى
دخان مدخنته يطلع ويعدى
ويا سحابه خفيفه ومطرة
وطريق قدامه كله تحدى
ويا نجيلة كتيرة وشجرة
وحصان ابيض جمبه بيرعى
يا نفسى ارجع طفل صغير
اخد قش من بابا واجرى
واشترى لعبه بجيبها تملى
ولما اكسرها اجرى لامى
تقولى حبيبى فداك يا عمرى
بابا يزعق ماما تقولو
طفل ولسة بردو صغير
مهما غلطى يزيد متبرر
ياما نفسى ارجع طفل صغير
محمد صادق
ليست هناك تعليقات