كل يوم ضحكه
فى كل يوم ضحكه
وفى نفس اليوم دمعه
نيجى نمسك فى الفرحة
تغلبنا الفرقة
حبينا نرجع تانى
توهنا
انا وانت مبقناش احنا
متغيرين .. وسط زحمه
وسط ناس مش رحمه
وشك متغير .. مش انتى
ماهوش طبعك
تنامى فى الليل وحدك
من غير صوتى فى حضن قلبك
من غير صورتى فى عقلك
من غير همسى فى ودنك
وانا بقولك ... بحبك
ماهوش طبعك
تنسى اللى بيحبك
وتجرى ورا حد بايعك
ياترى الدنيا غيرتك
ولا انا اللى كنت اعمى
ياترى زى مافتكرك
ولا تايها فى المعنى
رغم كونى مش جنبك
بس بروحى شايفك
رغم انى بعيد عنك
الا انى طول الوقت كنت ضلك
كنت بسرح فى صورتك
كنت بهمسلك
كنت باخدك مخدة
فى سريرى واضمك
كنت برسمك لوحة فى خيالى
كنت ببنيكى بيت لولادى
لسة عاوزة تانى
لو حكيت عننا
مليون سنه
تخلص كتب فى حينا
ونبقى بس وصفنا حاجة
من ضل عشقنا
لو حابة نرجع تانى
اكيد فاكرا عنوانى
وان كنت حبيت غيرك
ابقى انسى حبيبتى
زمانى
لـ محمد صادق
ليست هناك تعليقات