نقطة بيضة

هو انا ينفع امووت ...؟؟

اه تنفع تمووت ..

بس محدش بيقتل روحو .. هاتصعب عليك نفسك 

لا ممكن تقتل روحك وانت فرحان ومبسووط كمان ..!

ازاى .. انت هاتهزر يا ديدا ولا اية ..؟ >_<

.. طيب خليك معايا

هو انت لما حد يسالك انت امتحانك امتى .. وتقولو بكرة ان شاء الله .. يرد عليك ربنا يوفقك.. طيب ذاكرت ..ترد وانت مبتسم والفرحة مليااك .. يا عم النجاح دا بتاع ربنا .. والحمد لله انا بصلى وبعدى ربنا ينجحنى ..

ولما يكون من حواليك صحابك اللى اتجوز واللى استقر فى وظيفة واللى والى والى ... وانت ولا عارف تنجح فى حاجة .. ولا تثبت نفسك فى مكانك .. ولا عامل حاجة .. وبتروح تسهر ويا اصحابك وبتاخد مصروف من ابوك .. وسنك كل يوم بيزيد رقم .. انت كدا مش بتموت وانت مبسووط

هو لما تشرب سجارة بنى وتبقى فاشخ الابتسامه على وشك وبتقووول الله ع دى سيجارة ... هو انت كدا مثلا مبتموتش نفسك وانت مبسووط وسعيد

حاجات كتير لو حكيت عنها هاقول اكتر

طيب .. والحل .. لية متفكرش فى اولويات ولازم تعملها مش مجرد مستقبلك وانت حر فية ... هابدء م البدايه معاك

يعنى لو فى دراسة متذاكر ... وتشوف دروسك وتنجح وتخلص ..

وبعدين تدور ع جيشك بلاش تأجلو.. ومتزعلش انك دخلت الجيش للرجاله..

ولما تخرج ابتدى فكر فى شغلك وانت لازم تعمل حاجة .. ولو مافيش شغل .. هو لازم تشتغل عند حد .. اشتغل عند نفسك يا اخى

 

ليا صاحبى .. ابتدى بنسخ اسطوانات تعليمية .. تعليم فوتوشوب ودورات انترنت وكمبيوتر ووورد .. طبخ ولف طرح .. الطفل المسلم والاسرة المسلمه وكيف تعلم اولادك القرآن .. واللغات انجليزى وايطالى وكدا

وابتدى يوزعها ع المكتبات وسعر الاسكوانه كان 3 جنية وعليها استيكر ... هو كان بيشترى الاسطوانه ب 57 قرش .. وبطبع ستيكر بيكلف 1 جنية .. وبينسخهم بالكمبيوتر بتاعه .. يعنى مكسب 1.25 ج فى كل اسطوانه .. تخيل ان كل مكتبه من اللى انت روحتلها اخدو 50 فى 50 مكتبه .. ومكتفاش بالمكتبات بقى يبعت اسطوانات مع مندوبين للمدارس الخاصة ومدارس اللغات المهتمين بكورسات اللغه وكدا ... 

واحد تانى فكر انه يعمل مموقع ويحط عليه اعلانات ادسنس .. وابتدى فعلا يكبر فى موقعه ويضيف فية مواد للتحميل ... والاعلانت من جوجل بتكسب .. وابتدى يربح من عن طريق الانترنت 

واحد استغل موهبته فى التصميم وابتدى يصمم لشركات الدعايا بمقابل مادى ..

وابتدى يثبت نفسى لغاية ما بقى ليه مكتب مصمم

وغيرهم ناس كتير ...

على رأى المثل .. امشى صح يحتار عدوك فيك ..

وانت لو فكرت فى مستقبلك صح هايحتار الفشل فيك 

خلى النجاح دايما هو نقطة النووور قدامك

ترضى تعيش فى ضلمه ... 

طبعا الكل مش موافق يعيش فى ضلمه

 

حط قدام عيونك نقطة بيضة واكتب عليها نجاحى الشخصى ..

وحاول اوصل لحاجة تخليك فى النقطة البيضة دى 

وكل ماتنجع فى حاجة .. النقطة تكبر لغاية ماتملى حياتك كلها صفا ونور ونجاح

وساعتها بس ... هاتحس انك عايش .. وانك مهما كبرت .. وعدى عليك العمر 

هاتفضل فى نظر نفسك لسة طفل .. قدامك كتيييير اووى ...

حاسس انك تقدر تبقى الطفل دا ..

اتمنى انى كنت ضيف خفيف عليكم 

موضوع وجة فى بالى قولت انزلو ..

قلم : محمد صادق