حكاية ..... قلم : محمد صادق
دورى يا ايامنا
لفينا ومرجحينا
لا انا اول اللى دارو
ولا اخر اللى لفو
ودينا وجبينا وتوهينا
غيبينا عن حاضرنا
ونسينا ماضينا
والمستقبل جاى
فا امانه لو توهنا منك
ترجعينا
اصل يا سادة
كل حكيوة وبتبدأ بواد فارس
بحصان ابيض وسيف شارد
وعن بنية اميرة فى زمانها
وجمالها .. قايد (والع)
الواد شاف البنية
حب البنية ..
وخلا احلامه مبنية
وطريقة من قدام عينه
مفتووح .. وسالك
سلك الطريق لبلد بعيد
مالهوش شبر فيها ولا كان لية صديق
يحكى يا سادة ان البنية مش اميرة
عيلة طايشة وفى طيشها عويلة
شايلاها الايام منين ماتضمها
ماليانه حب وعطا بس من جوووة
فاضية ... وهوية
لافى يوم اخلصت
ولا ضحت ولا كانت جد
ولا شالت هم حاجة
ولا كيانها اتهد
جات مجاتش مش فارقا
ولا يفرق معاها حد
حبت تلتوميت مرة
وعزبت ستمية
اصل جمالها القايد
متطفهوش الماية
والواد بردو كمل
حاول يغير من طباعها
وهى سمعته
كلمها ونصحها
وهى قبلته
غير فيها العناد
ونساها اللى فات
وشوية بشوية غير جواها حاجات
تحتاج سنين لاجل ماتتغير
عدى كمان يومين
وصارحها بحبه ليها
هى كانت حاساه
بس الغرور ماليها
وعدى كمان يومين
فى يومين
فى يومين والتالت مقدرتش تستنى
راحت علية
وسارحته بحبها لية
وعاش الحلم جواهم
وابتدت الحكاية
كانت بنية خفيفة
نسيت كل ماضيها
وبدأت معاه حياه جديدة
هو رسم طريقة
ورسم مكانها جمبة
فى حياته تلازمة
وهى لبست سلسلته
اللى ادهالها .. هدية
وعدته وحلفتله
لا تكون لغيرة
ولا يكون لها حبيب بعده
وفضلو يرسمو
ويخططو
ويسمو ينتهم اللى جاية
سموها رودى
وللحديث بقية
مين عاوز يعرف باقى الحكاية
ليست هناك تعليقات