دنيااا ..... قلم : محمد صادق
دنياا
ميلى يا دنيا وارقصى
وعلى كتافى تعالى
واتمايلى
ميلى عليا واتغندرى
على حظى وخيبتى
واتنططى
من امتى كنتى معايا
وحاسة بالى فى قلبى
وهاتى اللى فوق تحت
واشقلبى
وغيرى فى الوانك
واتغيرى
انا الى خدعونى
وفى لحظة باعونى
ما خلاص عرفت الى فيها
وبمزاجى هاعديها
كنت فاكر انى فاهم
وطلعت مديها
وصدقت كل اللى اتقال
حتى كلام القمر
ورجعت انا الخصران
وماحد بيا جبر
كلو باع فى لحظة
ورجعت انا للسهر
وحدى بعيد عن الناس
والحزن فى قلبى كتر
يا ترى العيب فيا
ولا الحياه دى قدر
مكتوبلنا نعيش كدا
بعيد عن البشر
هو احنا مالناش حق
ولا عذابنا دهر
ما اذا كنا هانعيش كدا
وعذابنا دايم لنا
يبقى بلاها خالص
يا دنيا متلزمنيش
قالو عنى كتير
وبجلونى ومدحونى اكتر
فكرتهم حبونى
وانا كنت محطة مش اكتر
قولتلها بتحبينى قالتلى سيبنى افكر
بتتقل الهانم فاكرانى واقع متكدر
هو يوم واتنين وعرفت الى فيها
بس المرادة مش معديها
عديت كتير زمان
ودلوقتى جة وقتى
اجرح واعذب وادوقك زى مادوقتى
كتير من الاحباب كانو قبلى
صدقينى انا مش مسامح نفسى
على اى حاجة قولتهالك
انا الى من وقتى اديتك
فهمتك ووعيتك
وفى الاخر بتكدبى عليا انا
انا اللى كنت قنديلك
كنت حاجيب من عمرى واديلك
واخد من راحتى واهديلك
ظلمت نفسى معاكى
يارتنى ماكنت حبيتك
وصلتك لقلبى وقعدتك ومكنتك
عديت حاجات كتير
ولما سمعت عنك غلط كنت بعديلك
كنت بسيب نومى وشغلى وبسهرلك
كنت بجهز روحى عشان اقابلك
حتى وانتى بعيدة عنى
كنت جمبك
كنت اتمنى
اكون ابنك
تخافى علية تهتمى بيه
اكون اهلك
اكون سندك
اللى تتكى علية
اكون ابوكى واكون امك
اكون حبيبك واكون قلبك
اكون ليكى كل حاجة
حتى سعدك
لكن مافيش نصيب
وشكلى هابقى تعبك
هابقى زعلك وقهرك
انا صعيدى اه
ودا شئ يشرفنى
وغلطتك م الاول
حبيتى راجل
وانا قبلتك
قولتلك راعى ربنا فيا
زى مارعيتك
حبينى ومتخبيش عليا
زى مابصارحك
قوليلى كل حاجة
ولو غلطتى فى يوم
يا ستى انا مسامحك
فكرتينى واحد من صحابك
اللى كل يوم خارجة مع واحد
هاعدي واطنش واقول عادى
نسيتى انى صعيدى
ولا اقولهالك تانى
اديكى واحدة جات وراحت
زيك زى كتير غيرك
كتبت فيكى كام قصيدة
والله عداكى العيبة
نفعتينى بحاجات كتيرة
بس سبتك
يلا يا حلوة يلا يا توته
عاوزين نقفل الحدوته
وتوته توته خلصت حكاية
الستارة تنزل وتتكتب النهاية
ومتقوليش انى ظلمتك
انتى ظلمتى نفسك
لما فكرتينى خرووف وتايه عن طبعك
اسيبك تروحى تنامى وحدك
الليلة مافيش ديدا ينام على صدرك
ولا حد يقولك بحبك
ولا يلعبلك فى شعرك
تنامى لوحدك
وتفكرى فى كلامى
علشان تعملى حسابك
انك زى مابتعرفى توجى
انا ممكن اوجعك
ارجع اقولك متزعليش
انتى اللى ظلمتى وجرحتى
نفسك
ليست هناك تعليقات